Bhạbit́ Jio̠ṅ

Bam baḍaya tinạḱ ãṭe̠m sạgiń akana?

Mo̠ca re̠ lãńda,

São te̠ araḱ po̠tao.

Mẽń e̠dam ńe̠lo̠ḱ kana,

Tinạḱ mo̠j juluḱ so̠na.

Bam baḍaya tinạḱ ãṭe̠m bạgi o̠co̠ akana?

Pase̠ć são te̠ me̠naḱ ko̠ pũḍ harta,

Uńkuaḱ ko̠ṛam kho̠ń uḍuḱo̠ḱ so̠ te̠,

Am do̠m jạbuń akan ñamań bul re̠.

Bam aṭkar e̠da, tinạḱ ãṭe̠m bạrić akan?

Amaḱ to̠l girạ to̠paḱ akań,

Ẽń re̠hõ̠m lãńda kań,

Ẽṛe̠ bhit́ re̠ tińgu kate̠ć,

Lańda e̠dam cahab kate̠ć.

Bam bujhạo e̠da tinạḱ ãṭe̠m khãnjo̠ akan?

Nij e̠m le̠khaḱ kana laha,

Buṭạ ma maḱ kate̠ć am ge̠ le̠lha.

Jhuluḱ juput́ tinạḱ ãṭe̠m uduḱ e̠da,

Sanam ko̠ge̠ auoṛiaḱ buṭa ma rạput́ ge̠tam.

Bam ikạo e̠da ẽṭke̠tọ̠̃ṛe̠?

Samaj kho̠ń uduḱ kate̠ć,

Ce̠daḱ unạḱ aidạri?

Mit́ se̠ć te̠m kại e̠da,

Ãrhõ̠ lạṭu ro̠ṛ,

Amaḱ do̠ ce̠t́ ạidạri,

Samaj bạhir re̠ń?