Jioṅ Mũrli

Ińaḱ mũrli-

Iń ge oroṅ ocoạń mẽ.
Paseć ãmem oṅg lekhać paṛagoḱ,
Paseć ãmem saḍe lekhać dhodroḱ,
Paseć ãmem rạṛ lekhać rạṛ adhoḱ.

Tinạḱ jioṅ khoć noa mũrli-
jotoń kateć, gadoń kateć,
Jiwi re, hoṛmo re, Moń re,
Hamẽṭ akaťạń,
Joṕṛao akaťạń,
Aṕnar akaťạń.

Ceť leka dare re nạṛi,
Gaḍa re dhiṕ,
Situṅg re umul,
ekal te oṅka ge.

Ãm do ato peṛa ko ateń kateć,
Siń khać sińõḱ kań tama,
Ńińdạ khać ńińdaḱ kan tama,
Ãm dom palaṭ akana uṛuḱ harta te,
Ãm dom poṭom akana lolo hoṛmo te,
Urgumẽť mẽa,
Chaṭpaṭaoḱ kanam,
Kiḱaoeť kanam.

Eń re hõ ińaḱ mũṛli do baṅ,
Ãmaḱ mũrli oroṅ kateć ge,
Reaṛoḱ mẽ.
Suḱjoṅ mẽ.