Hoṛ koaḱ (Santal) Dhorom pạtiạo ar Horoṕ- Pạhil hạṭiń

Aema diń khoń Baṅladisom reń hoṛko do ol lạgiť horoṕ niạ teko andoloneda, 2013 sal re oka do Baṅladisom reń sarkar doye meńleda, Baṅla chada eťak aṛaṅ ren hoṛkodo akoaḱ pạrsi, akoaḱ horoṕ te kạtić kelas khoć olok paṛhaoḱ ko cida.

Ado raskạ tuluć Baṅladisom reń hoṛko do akoaḱ baḍai ar heowa horoṕ sarkar ṭheć ko laha idi keda. ar ona horoṕ do "Santali horoṕ" se "Roman Santali horoṕ" ko mẽtaḱ kana. Meńkhan thoṛa horkoreń gańdra do ko birudh keda. ar unkhoć andolon do eboh ena.

Santali horoṕ  lạgiť andolon  re Santali horoṕ hamẽṭ  lạgiť sarkar ṭheć ardas se galmarao lạgiť ạḍi laha re tahẽ kateć okoido noa andolone ehob leda uni do Prof. SC Albert Soren, okoi do nitoḱ rua iạte jirạo re mẽnaiya.

Ona andolon do ạḍi sạgiń laha calao lena. Meńkhan cedaḱ andolon menoḱ kana? he noa iạte andolon menoḱ kana je, Noa Baṅladisom ren sanam hoṛ ko birudh re "Jatiyo Adibasi Porishod" ńũtum miť ṭen organization e tińguena ekal te dicision hatao oḱtere.

Noa organization do diku koaḱ left political party renaḱ miť ṭeć organization kana. Nuku do Baṅla horoṕ te Santali ol lạgiť ko chuṭạo ena.

Ado uń khoćge nanan tal bahana, bahanate niť dhabić Baṅladisom reń santal hoṛ do Santali te puthi do bako ńam akada (19-02-17).

Nitoḱ nuku porishod ko reń thoṛa hoṛ ko do Baṅla baṅ kateć Ol-Chiki (অল-ছিকি baṅla do nońka aṛaṅoḱa) ko khojoḱ kana. Cedaḱ nuku do hana noa khojoḱ tako? Cedaḱ je paseć nuku do eṭaḱ hoṛaḱ rasadaḱ ńũ kateć bul akanako ar ona bul iạte mẽť hõ dunhu akan takoa.

Ar hõko meneda, baṅ ma kathai roman te ol lekhać uni do Santal do ban kanai, se okoi do isại akanako unko do Santal se Hoṛ do baṅ kana ko. Isại koaḱ jạť do bạnuḱa, emanteaḱ ko...

Dhorom Pạtiạo:

Delaboṅ seńdra lege Dhorom Pạtiạo do ceť kana?

Dhorom rena Definition:  A form of worship. It includes a system of religious attitudes, beliefs, and practices; these may be personal, or they may be advocated by an organization. Usually religion involves belief in God or in a number of gods; or it treats humans, objects, desires, or forces as objects of worship. Much religion is based on human study of nature; there is also revealed religion. There is true religion and false (iṅlis kana) .

Dhorom lạgiť ceťko jạruṛa?

1. Sewa lạgiť miť ṭeć dhara tãhena:  Noa katha te bujhạoḱ kana je, dinạm se haṕta re regular dhorom kạmi ko.
2. Dhorom ạricạli: beohar
3. Pạtiạo: Dhorom re noa do ạḍi lạṭu katha kana, ceťem pạtiạoḱ kana, cedaḱem pạtiạoḱ kana, noa ko menaḱa nońḍe.
4. Kạmi ko: Dhorom lekate ceť kom kạmieda, dhorom lạgiť ceť lekań kạmi kom kạmi eda.

Noako do lạṭu khojoḱakana dhorom re. Menkhan nońḍe do horoṕ renaḱ katha do bạbuḱa. dhorom sãote horoṕ ko mesal do nuku hoṛkoaḱ kana.

Noa defination reko meń ocoeda, miťhoraḱ pạtiạ sanam daṛeań re hui daṛeaḱ, se jãhanaḱ daṛe cetań rehõ pạtiạo daṛeaḱ, ar okoi ko do dhạrti renaḱ daṛe cetań re ko pạtiạo doho kateć ko dhorom, ona ko do oṛaḱ tear dhorom kana.

Delabon Santal koaḱ / Hoṛkoaḱ sedai dhorom noa definition rebon ńũr lege.

1. Sẽwa: hoṛkoaḱ dhorom sẽwa dhara do ceť kana? bochor re miť diń se miť haṕta, jãhã porob kore. Dinạm se haṕta pichạ regular kạmi lạgiť jãhãnaḱ dhara menaḱa?
Roṛ ruạr: Baṅ bạnuḱa.

2. Beohar: Hoṛkoaḱ dhorom lekate beohar do ceť kana?
Roṛ ruaṛ: Baṅ bạnuḱa.

3. Pạtiạo: Hẽ hoṛkoaḱ pạtiạ do maraṅburu re, okoi do sisirjaoiḱ. Menkhan nońkạniḱ sisijạoiḱ begor baḍaite ạḍi usạra jiwi khoć pạtiạo do ạḍi keṭeć gea. Cedaḱ je, nẽtar hoṛko do sikhnạ ko kana ko, begor bujhạo te auṛi sạoṛi re do cekateko pạtioạḱ?

Pạtiạo do 2 leka: 1. Ńel, bujhạo, poriḱkha kateć- mẽť marsal hoṛ leka, 2. Begor ńel kateć- Kãṛa leka.

Miť ṭeć shiḱnạ hoṛ ceť leka tei pạtiạoḱ, ona do ekal te aćṭheć.

Shiḱnạ hoṛko do dhorom lạgiť noa ko ko seńdraiya.
i) Dhorom renaḱ shiḱnạ kodo oka khoć?
ii) Sisirjạoiḱ do sạri kan geyai?
iii) Okoi noa dhorom me pasnao keda? Ceť leka te?
iv) Dhorom ạricạli ko manao kateć ceť huyuḱa?
v) Okoi noa dhorom ko manaoeť unkuaḱ beohar do ceť leka?
vi) Noa dhorom reń hoṛko modre ceť leka dulạṛ menaḱa?
vii) Noa dhorom kateć ceť huyuḱa? dhạrti re ar goć tayom?

4. Kạmi ko: Hoṛkoaḱ dhorom lekate ceť kạmi ko menaḱ?
Roṛ ruaṛ: Porob kore thoṛa, meńkhan dinạman lạgiť do bạnuḱa.


Noa defination lekate ceťboṅ ńel keda? Miť ṭheć shiḱnạ hoṛ lạgiť hoṛkoaḱ dhorom pańja ạḍi eṭkeṭõṛẽ gea. Ona dhorom do ạdi manowa koaḱ ạdi lạṭu jinis kana, ona te noa lạṭu jinis do ać leka kạmi kateć parom ocoyoime.


Amaḱ eṭkeṭõṛẽ iạte uniaḱ bancao oḱtere jiwi re baṅ moce ikạo lekhan ar uniaḱ darai kan ashko bạriḱ leń khan, noa lạgiť am ge kanam dosi. Ado eṭaḱ hoṛ lạgiť cedaḱ am do do em goḱeda?


Horoṕ: 

Horoṕ do aṛaṅ sodor lạgiť olaḱ kana. Laha tedo hoṛ koaḱ horoṕ do baṅ tãhe kana, ona te miť gel irạl dosoḱ seć Roman horoṕ khoć thoṛa Santali horoṕ do tear lena. ar ona horoṕ tege ạḍi jug khoć ge hor ko do Santali pạrsi ạḍi boge te ge ko oleť tãhe kana. Meńkhan miťgel are dosoḱ seć Muyurbaṅ reń miťṭeć hoṛ Ol-Chiki (অল-ছিকি)  horoṕ e tear keda. ar tayomte nuku olchiki ko do noa horoṕ pasnao lạgiť ạḍi bebạriť ḍahar ko saṕ keda. Meń keda ko - Roman Santali horoṕ do- isạiaḱ kana, Isại kodo- hoṛ do ko baṅ kana, Hoṛ jạť dhorom te ko judạ keť koa. 

(Ol toṅgeaḱ, dosar hạtiń lạgiť taṅgi re tãheń me)