Tạṅgi

Pase̠ć ãme̠m he̠juḱ-

O̠nate̠ silpiń kapaṭ iń jić akaṭ.

Dạkhin se̠ć kho̠ć-ho̠ṛmo̠ rumun ho̠y,

Ko̠ṛam jaḱ kate̠ć, jiw̃ie̠ tarko̠e̠t́ tiń.

Ńindạ cando̠ daḱ daḱ e̠ marsal akat́,

Silpiń kapat́ re̠ jãpãṛ kate̠ć-

Raca se̠ć iń ko̠yo̠ḱ akat́.

Cando̠ rãtre̠ amaḱ ũmũl ńe̠l kate̠ć,

Jiw̃i iń raṛe̠t́ tiń,

Ãr mẽ̠t́ daḱ iń haye̠t́ tiń.

Pase̠ć ãme̠m he̠juḱ-

Chaṭka re̠ ul sakam,

Jirĩt́ jipit́ e̠ bijliạń kan,

Sakam sakam kiń joṭe̠do̠ḱ kan,

Tinạḱ rilạ mala jio̠n kiń ṭhão kan.

Sạgiń kho̠ń ńe̠lo̠ḱ pukhri daḱ,

Tinạḱ ce̠he̠l ce̠pe̠l e̠ne̠ćjo̠ḱ kan,

Baṅ do̠ rạskạ te̠,

Baṅ do̠ dạṅguạ jio̠n hirlạ te̠,

Iń hõ̠ o̠ṅka ge̠,
Nit́ dhạbić ãm lạgit́ ko̠ṅka ge̠.

Pase̠ć ãme̠m he̠juḱ-

O̠na te̠ no̠a ńindạ re̠,

Sut́ re̠ sarjo̠m baha,
Ti re̠ mindi ro̠ṅg,

Ho̠ṭo̠ḱ re̠ bukul mala,

Sajao ạkạnạń ãm kusi le̠ka.

Minạńã ãmaḱ ko̠yo̠ḱ ho̠r re̠.
Minạńã ãmaḱ taṅgi taṅki re̠.
Pase̠ć ãme̠m he̠juḱ------