Suḱ Se̠ńdra

Tho̠ṛa bo̠cho̠r lahare̠ France, Germany, Great Britain ãr USA re̠ń ho̠ṛko̠ kulile̠t́ ko̠a, “ Suk lạgit́ ce̠t́ jạṛuṛa?” O̠ko̠y ko̠ kulile̠t́ ko̠, unku mo̠dre̠ 89% bhag ho̠ṛko̠ me̠nle̠da je̠,  Bhage̠ ho̠ṛmo̠ jạruṛa; 79% Bhag ho̠ṛ, bhage̠ bapla jio̠naḱ katha ko̠ mẽn le̠da; 62% ho̠ṛ ko̠ go̠go̠ baba huyuḱ rạska re̠naḱ katha ko̠ me̠n le̠da; ãr 51% bhag ho̠ṛko̠ mo̠ne̠t́ tãhẽ kana, Bhage̠ kạmi (Career) jạruṛa;  Me̠nkhan aema ho̠ṛ ko̠  lại bujhạoḱ ko tãhẽ kana je̠, taka paisa do̠ Suki huyuḱ lạgit́ ce̠t́ hõ̠ bai ce̠ka daṛe̠aḱ, o̠na tayo̠m kulile̠t́ ko̠a, unku mo̠dre̠ 47% bhag ho̠ṛ ko̠ pạtiạoaḱ je̠, taka paisa ge̠ suk e̠ ạgu̠ daṛe̠aḱ.  Me̠nkhan sạṛiaḱ do̠ ce̠t́ kana?

Pạhil re̠, taka paisa ãr suk mo̠dre̠ pharaḱ ńe̠l mẽ̠. USA re̠ 100 kisạ̃ṛ ho̠ṛ ce̠tań jo̠rip re̠ ńe̠lena je̠, unku do̠ eṭaḱ ho̠ṛko̠ kho̠ć do̠ jạsti do̠ bako̠ sukiya. O̠na chaḍa, mo̠n ho̠ṛmo (Mental Health) siḱnạ ho̠ṛaḱ (Specialist) mo̠t́ le̠kate̠, calaoen 30 bo̠cho̠r laha kho̠ć USA re̠ń ae̠ma ho̠ṛ ako̠at́ dho̠ńko̠ bargun ko̠ jastiakada, me̠nkhan laha kho̠ć do̠ jạsti do̠ bako̠ sukiya. Mit́ ṭe̠ć re̠port e̠ mẽne̠da; “ Unạ o̠ḱte̠ re̠ge̠ hạpus hạpis ( Frustration) do̠ ạdi ãṭ jạsti akana. Hara go̠do̠ḱ gidrạ ko̠ go̠jo̠k (Suicide) do̠ pe̠ gun jạsti akana. Bapaḱ ko̠ḱ (divorce) re̠naḱ har (ratio) bargun jạsti akana.”  Ko̠m be̠s 50ti nanan disạm re̠, taka paisa ãr suk mo̠dre̠ jo̠pṛao  niạ se̠ndrako̠ (researcher) do̠ se̠ndra kate̠ć mucạt́ re̠ko̠ he̠ć akana je̠, Taka paisa do̠ suḱ do̠ bai kiriń daṛe̠aḱ.

O̠na tayo̠m, bhage̠ ho̠ṛ̣mo, mo̠j bapla ãr bhage̠ kạmi ko̠ suḱ lạgit́ tinạḱ jạruṛa (important)? Me̠nkhan no̠a ko̠ judi suk lạgit́ jạruṛ khan, taho̠le̠ do bhage̠ ho̠ṛmo̠ bạnuḱ tako̠a no̠ńkań lak lak ho̠ṛ me̠naḱ ko̠a ãr bhage̠  bapla jio̠n bako̠ thãoe̠da, unku babo̠d ce̠t́ me̠no̠ḱa? Gidrạ pidrạ bạnuḱ ko̠a no̠nkan ghãro̠j ãr bhage̠ kạmi bạnuḱ tako̠a no̠ńkan ho̠ṛko̠ babo̠d te̠go̠ ce̠t́ me̠no̠ḱa? Nuku ho̠ṛko̠aḱ jio̠n do̠ baṅ suk (unhappy) ge̠ sạriaḱ? Ãr o̠ko̠y ko̠ do̠  bhage̠ ho̠ṛmo̠ ãr bhage̠ bapla jio̠n me̠naḱ tako̠a, din bo̠do̠l (situation) le̠ń khań, o̠ka suḱ ko̠ mẽne̠da, o̠na do̠ cabaḱa?

Abo̠ do̠ thiḱ jaga re̠bo̠ń se̠ńdrae̠da?

Sanam ko̠ ge̠ko̠ suḱ ko̠ kho̠jo̠ḱa. No̠a do̠ bhabna re̠naḱ katha do̠ baṅ je̠, ho̠ṛko̠ te̠ariḱ sisirjạo do̠, “Suḱi Iso̠r” le̠kate̠ me̠n co̠ akanai ãr ho̠ṛko̠ do̠ ać le̠kate̠y (image) te̠ar akat́ ko̠yai. ( 1 Tim 1:11, Gen 1:26, 27) O̠na te̠, ho̠ṛko̠ ko̠ do̠ suḱ ko̠ se̠ndra e̠da. Me̠nkhan suḱ saṕ ke̠te̠ć kaḱ do̠, mit́ muṭha gitil saṕ ke̠teć kaḱ le̠ka---banar ge̠ ạḍi ãṭ lẽnje̠t́ do̠aḱ. 

Me̠nkhan, no̠a hõ̠ to̠ katha kan ge̠a je̠, ae̠ma ho̠ṛko̠ do̠ suḱ ńam lạgit́ ạḍi ãṭ jhukạl te̠ko̠ kurumuṭue̠da? Samaj bhabnaić (Philosopher) Eric Hopper o̠na ge̠y me̠ne̠da. Unie̠ mẽne̠da: “ Suḱ se̠ndra ge̠ baṅ suki h́uyuḱ re̠naḱ lạṭu karo̠n ko̠ mo̠dre̠ mit́ ṭe̠ć kana”. No̠a do̠ sạriạḱ ge̠, judi abo̠ do̠ baṅ gano̠ḱ ( wrong place) jaga re̠ suḱ bo̠ń se̠ńdra le̠khać. O̠na te̠ ge̠ abo̠ do̠ hạpus hạpis cabaḱ kanabo̠n ãr bo̠n laṅgaḱ kana. Kisạ̃ṛo̠ḱ re̠naḱ kurumuṭu, sabas (famous) se̠ kạmiab huy kate̠ć ńutumo̠ḱ;  rajniti (politics), samaj kạmi se̠ taka paisa tayo̠m te̠ dạṛ; se̠ nij lạgit́ bancaoḱ ãr são sãote̠ nijaḱ kusiaḱ ko̠ ńam; no̠a ko̠ do̠ suḱ bai aguyea. O̠na te̠ baṅ pạtiạo re̠naḱ ce̠t́ hõ bạnuḱa je̠, o̠ko̠y o̠kó̠y ko̠ do̠ mit́ ṭe̠ń bo̠i o̠lo̠ḱićaḱ nij baṅ patiạo katha  le̠ka ko̠ calaḱ ko̠ mẽna; uni do̠y mẽn le̠da, “ Abo̠ do̠ suki lạgit́ kurumuṭu do̠ babo̠ṅ bạgiaya, o̠na le̠ka te̠ge̠ abo̠ do̠ bhage̠ o̠ḱte̠ bo̠ṅ paro̠m daṛe̠aḱ.”

Ńe̠l le̠kań mit́ ṭe̠ń katha do̠ huyuḱ kana, no̠a o̠l pạhil se̠ć jo̠rip re̠naḱ katha he̠ć le̠na, o̠nḍe̠ 10 go̠ṭe̠ć  mo̠dre̠ 4 go̠ṭe̠ć ko̠ mẽne̠da, e̠ṭaḱ ho̠ṛ lạgit́ bhage̠ bhage̠ kạmi ãr e̠ṭaḱ ko̠ gõ̠ṛõ̠ ako̠ khać suḱ ńamo̠ḱa. Ãr 4 go̠ṭe̠ć mo̠dre̠ 1 ho̠ṛ no̠a ce̠tań ạḍi ãṭ ro̠ṛ le̠da, Pạtiạo ar dho̠ro̠m ce̠taṅ kạmi ko̠ suḱ lạgit́ ạḍi lạṭu bhumikae̠ do̠ho̠ya. Sapate̠ me̠n le̠ khań me̠no̠ḱa, Saṛiaḱ suḱ lạgit do̠ ce̠t́ jạruṛa? O̠na do̠ Sạriaḱ dho̠ro̠m pańja le̠khan suḱ ńamo̠ḱa.