Campamuni

Gaḍa dhiṕ hanasa re̠ń duruṕ akana,
Ãr iń ko̠yo̠ḱ akat́ mẽa.
Gaḍa dhiṕ no̠asa re̠-
Ãm mã jo̠to̠ń te̠-
Ub e̠m to̠le̠t́ tam,
Pãṛhãṭ re̠naḱ kuci,
Jut́ e̠dam,
Pạnci re̠naḱ pạṛ,
So̠ge̠ e̠dam jo̠to̠ń te̠.
Ãmẽ̠m Sajaoḱ kan,
Ãm le̠ka, kurumuṭu te̠,
Dhạrti be̠go̠r ripit́ te̠y,
Nẽ̠le̠t́ mẽ̠.
Mẽnkhan ãm do̠ ãm re̠ge̠,
Kurumuṭu.
Mẽt́ mũṭhạn re̠ so̠no̠ pawdar,
Luṭi re̠ araḱ lipistiḱ,
Mũ re̠ mạḱṛi,
Lutur re̠ jhunur jhunur pagra,
Ub̠ re̠ kạpurmuli baha,
Jãńgare̠ ghagra,
Alta ro̠ṅte̠ laṭpaṭ,
Usul ṭhayo̠ cạṭki.

Gaḍa daḱ ạtuḱ,
Ce̠he̠l ce̠pe̠l,
Ạtuḱ tiń ińaḱ mo̠n.
Ãmaḱ lańda so̠ko̠jo̠ḱ,
Gaḍa daḱ so̠ko̠jo̠ḱ sãote̠.
Ińãḱ jiw̃i so̠ko̠joḱ
̠Ona ko̠ sã̃o são te̠.

Gaḍa hãnasa ãr
Gaḍa nõ̠asa,
Talare̠mã ce̠he̠l ce̠pe̠l daḱ.
Ce̠kate̠ń paro̠mo̠aḱ.

Mã campamuni,
Sajaoḱ mẽ, birbaha le̠ka,
Dạkine̠ ho̠y le̠khać,
Sarjo̠m baha baha le̠n khać,
Purub cãdo̠y re̠aṛ le̠n khać,
Kaira dare̠ lạwkạ kate̠ć,
Gho̠ćṛe̠ ḍe̠nga ke̠te̠ḱ kate̠ć,
Hạjuḱ ạ̃ń sunum sĩńdur saṕ kate̠ć,
Dạwṛạ dipil ko̠ṛa ko̠ são kate̠ć.

Uń dhạbić tạńgi re̠ tãheń mẽ,
E̠ campamuni,
Baha re̠naḱ so̠ ko̠ do̠,
So̠ te̠ge̠ tãhe̠ń mã.