Ạkil Sãhet́

Gạḍia dhiṕ re guti koṛa ṭạriyai oroṅ kan

Dạkhin oṛaḱ ren tala di, kũiń khon daḱ e luyet́,
Hana oraḱ reń marań ba,
Kaṭ banam me reta kan.
Iń ma kulhi dhuṛi re tińgu kateć lusupũdu,
Sanam ko ge apnariń lekhayet́ ko.

Tiń kore ma cho motor sagaṛ,
Inaḱ aṛe te parom men,
Tiń kore ma cho ,
Iń ạre te puthi sap kidrạ ko parom men.
Tiń kore ma cho,
Ape ma dhuti denga bạgi katec,
Suṭ pent pe horoḱ́ ket́.
Iń ma dhuṛi rege lusupondo,
Thoṛa hõ bape ńel lidiń.

Tiń re pe sap keda puthi oloḱ tenga,
Un repe joṛo keda,
Tinaḱ goṭa ganḍa.

Iń ma pe begar kidiń,
Benao kidiń pe tonṭa.

Dhorom re pe begar kidiń,
Jạt́ re pe judạ kidiń,
Lekha re pe alaḱ kidiń,
Nij jom lahaḱ lạgit́..

Budh ạkil cet́ lạgit?
Hoṛ ko begar lạgit?
Se amaḱ jiw̃i jạti suluḱ lạgit́.

Apeaḱ aṭkar iń hoń ikạo keda.
Ape do budh akhan,
Jhangla lekań bujhạo keda.


Dhorom pe sẽndrai,
Sendrai pe nạri,
Nijaḱ dhej banuḱ,
Banuḱ tape ạri.

Menaḱ pe ńut́ re,
Tahẽn na pe marsal re,
Uduḱ goa pe sikhit́
Kạmi ape murkhit́.

En re hõ landai leka,
Ape ńel te,
Kićrić pe horoḱ akat́,
En re hõ lańṭa.