Hạgu dạgu kate̠ć iń tińgue̠na,
Ko̠yo̠ḱ ruạṛ lidạn tãyo̠m se̠ć.
E̠kạl te̠ mẽ̠t́ thiruḱ le̠ka,
Ripit́ tińguḱ le̠ka.

Nij hiṛińo̠ḱ le̠ka,
Bhabna re̠ jạbuno̠ḱ le̠ka---

Gaḍa daḱ ạtuḱ ciṭi ciṭi hõ baṅ tãhẽ kana,
Be̠la hạsuro̠ḱ dara hara mãyã hõ̠ baṅ kana,
Dạkhiń ho̠y re̠naḱ rumũj hõ̠ bạṅ kana,
Hara go̠do̠ḱ kuṛiaḱ mẽt́ re̠naḱ thartharao hõ bạṅ kana.

Duḱ nạṛi sakam re̠ janam akan baha,
Tũń akań saṛ re̠ mãyãm,
Le̠be̠t́ akań o̠t́ hãsa re̠ puṭaḱ ghãs,
Jạpit́ akat́ ho̠ṛaḱ sãhẽt́.

Ti sapaṕ kurumuṭu,
Jaṅga jaṅgare̠ jo̠ṭe̠t́,
Ro̠ṛ sãhẽt́ te̠ po̠ṭo̠m.

Ho̠ṛmo̠ mãyãm ạtuḱ gaḍa dạḱ,
Udgạr te̠ Jiw̃i tarko̠ḱ.

Mit́ mit́ te̠ hạr samṭao sukh,
Ce̠he̠l ce̠pe̠l daḱ re̠ bhasan.
Dạbrạ sapha jiw̃i re̠,
To̠ńṭa le̠ka sẽńdra baṛai,
At́ akań mo̠ń.

Ãmaḱ rạḱ, ińaḱ ho̠mo̠r,
Cẽṛẽ ko̠aḱ saḍe̠,
Dhạrti re̠naḱ go̠lmal.

Ãmaḱ hiṛiń, ińãḱ disạ
Taṛam ḍahar ado̠ḱ,
Ińãḱ pańja.
Dhuṛi re̠ lusupũńḍũ akań jio̠ń jạti.